قسمتي والي تمنيته وكل احلامي وآمالي و للاسف ياحب اغليته "قصة عهود"..

**
كانت عليا يالسه في الصاله تقرا مجلة زهرة الخليج..دشت عليها امها..
ام عليا: يمه خذي هاي الورقه ناصر يابها..ما رضى يدخل و سلم عليج وايد..

عليا: الله يسلمه.."فتحت الورقه صكرتها.. و غمضت عيونها" الحمدلله ك ربي هم و انزاااااااااح..

ام عليا: شو بلاج..؟؟
عليا"تتنهد": تطلقت يمه..خلاص طلقني ناصر..
ام عليا"اتصيح" ليش يمه ليش سويتي جي..
حضنت عليـاا امها...
عليا: لو قلتلج صدقينـي ابروحج بتستانسين من طلاقي ..

قامت عليا و اتصلت..بـ سلطان.
سلطان"ع طول يرد" هلا خالي شحالج..؟؟J
عليا: ابخير..سلطان تطلقت..
سلطان"سكت شويه" ابصراحه انتي صج مرتاحه..

عليا: من حقك تسالني هالسؤال بس لو جفت حالتي قبل..ما بتسال بلعكس بتبارك لي..

سلطان: خليييه يولي السبال بعدني النار تاكل قلبي ..
عليا: خلاص سلطان..خله ابطريجه و نحن بطريجنـا..

سلطان: كيف كل واحد ابطريج ها الي سواه مب شويه..

عليا: عشاني سلطان كافي مشاكل.
سلطان: الي تبينه..بس اخاف ما يطيع يزوجني عهود..
عليا"تضحك" هههههههه تبا عهود هاااااااا
سلطان: احبهـا ..بعدج ما دريتي..
عليا: يوم بترجع بخطبها لك ع طول و ناصر ماله حق يرفض او يوافق الشور شور ععهوووووود..

سلطان: الله كريم ..

**
كانت عهود تمشي في ممر المبني في جامعه الاتحاد.. اتفاجات يوم جافت سعاد.. مجابلتنها..يعني ردت من السفر..هاااااااا عشان جي ناصر ..ابسرعه غير رايه و طلق عليا..

وقفت عهود يوم جافت سعاد اتكلمها من بعيد..
سعاد: لا اطالعيني جي بتفتكين مني ييت اسحب اوراقي

عهود: جي حد قالج هاي جامعة ابوي..
سعاد:- لاااا محد قال بس الظاهر انتي ما تبين اجوفينـي خلاص ما اطيقين شي اسمه سعـاد.

عهود"اتهز كتفها" ما عاد يهمنـي شي..
سعاد: بعدج ويا الشاعر..
عهود" و هي سايره" ما يخصــــــــج..
سعاد: لازم تتحمليني باجر بصير حرمة اخوج..
وقفت عهود ابمكانها.. و رجعت اجابل سعاد..
عهود"تبتسم" نجوم السما اقرب لج حبيبتي..
وراحت عنها..
عصبت سعاد من استفزاز عهود لها..فكرت اتخبر عليها ناصر عشان يأدبها و تحترم نفسها مره ثانيه يوم بترمس معهااااااا

**
حست عليا ابضييييج كانت تذكر كيف كانت حياتها مع ناصر..كيف تهتم فيه..بس هو الي ما بغاها..معقوله اتكون ندمانه لانها طلبت الطلاق..
فتحت شنطتها.. و طلعت بطاقة الدكتور فهد..اتصلت له بدون تردد..
د فهد:- السلام عليكم.....
علياااااا:- عليكم السلام..
د فهد: منو معاي....؟؟
عليا: دكتور انا انا ..."سكتت شويه" انا عليــــــــاا
د فهد"جنه يحاول يتذكر منو عليا": عليااااااا ..هلا علياا توج ذكرتينـا..
عليا: دكتور انا ع بالي نسيتني..
د فهد: انا ما انسى مرضاي..شو اخبارج..
عليا:احس ابفراغ مدري ليش..؟
د فهد: شو الي صار يخليج اتحسين بها الشيء..
عليا: البارحه وصلتني ورقه طلاقي..
د فهد: و بعدين..
عليا: اخاف اكون متندمه انا ما اعرف ابصراحه شو موقفي..
د فهد: بعدج تحبينه..صح..؟عشان اتحبينه طلبتي الطلاق لانج ما تتحملين اتجوفينه وحده غيرج اتشاركه..

عليا:"شويه بتصيح" احس محد لي فـ الدنيا اهلي مسافرين.. بس امايـه ..المفروض ناصر ما يتخلى عني..

د فهد: و انا وين سـرت ..تبين اتزعليني منج..صدقيني الريال ما يحب يذل عمره .. و ناصر يحس انه مذلول من صوبج..بسالج سؤال..

عليا:اتفضل..
د فهد:- لو بغى يردج ..بتوافقين..
عليا"من غير تفكير" لا مستحيــــــــل..
د فهد"سكت شويه" عيل ليش كل هالمشاعر الي اتحسين فيها..
عليا"اتحس بصداع" انا مدري انا تعبـانه دكتور..
د فهد: هدي انزين تبين اصكر عنج عشان ترتاحيـن..
عليا: لا انا احس ابراحه و انت تسمعني انت الوحيد الي فاهمني..

و يلست اتسولف مع د فهد من غير ما يحسون بالوقت..

**

عهود لابسه عبايتها..تتريا الدريول..
ام ناصر: خبرتي اخوج..
عهود: كافي انتي تدرين وين بروح..
ام ناصر: بعصب عليج..
عهود"معانده" هو طلق عليا بس نحن ما طلقناها صح امايه..

ام ناصر: يمه خبري اخوج قبل بسوي لنا سالفه ..
عهود"مصره ع موقفها": ليش اخبره..انا طالعه وين عليا مب وحده غريبه.. بعدين هو ما يخصه..فينـي انا مب ياهل..

ام ناصر: و الله انا قلتج و انتي كيفج..و بعدين اذا سالني شو اقوله..

عهود: قوليـه انا في بيت عليا.. و بس..
قامت عهود من مكانها يوم سمعت هرن السياره.. ركبت السياره و راحت..بيت عليا..

عليا يالسه في الصاله تتريا عهود.. رن موبايلها..
عليا: هلا دكتـور..
د فهد: شو اتفقنــــــــــاا..
عليا: متعوده دكتور..
د فهد: بعد دكتـوووووور ..
عليا"تضحك" ولا تزعل فهد..
د فهد: هي جـي اباج...حلاتج يوم تنطقين اسمي..
عليا"مستحيه" اسمه الي يحلي صوتي..
فهد: لاااااااااا
عليا: احينه عهود بتيي..
فهد:يعني جم يبا لي وقت لي ما اوصل..
عليا: من هني لي دبي قول ساعه و نص..
فهد: خلاص بعد ساعه بطلع من البيت..
عليا: خلاص ..نتلاقي في المطار..اسمع صوت الهرن..
فهد: اتحملي ع عمرج..
عليا: انشا الله..
ام عليا: يلاا عليـاا عهود برع..
عليا" اتصكر التلفون" يلاا يايـــــــــــه..
ركبوا ام عليا و عليا السياره.. مع عهود.. رايحين المطار يستقبلون سلطان..
عهود: احس بعمري رزه..
ام عليا: ليش يمه كلنا اهل..
عليا"تغمز بعيونها" صدقيني بستانس سلطان..
عهود: شو قصدج اخاف يكفخني تراه امحرج مني..
عليا: ما ايروووووم قلبه ما يطاوعه..
عهود"مرتبكه فاهمه قصد عليا": اونج..

**
ناصر: فديتج سعاد من زمان ما يلسنا هاليلسه الحلوه..
سعاد: متى بتخطبنـــــــي..؟؟
ناصر: انتي اشري..لو تبين الحينه..
سعاد: تضحك"هههههههه بعد اسبوع...شو رايك..
ناصر: بعيييييييييد..
سعاد: لا مب بعيد امناسبني..اخاف ياخذونك مني..
ناصر: انا الي اخاف انج اضيعين مني ما صدقت رديتي..
سعاد: نفس الشعور حبيبي..
و نزلوا في مطعم يتغدووووون..

يتبع>>>>> الجزء الاخير

النهـــــاية..

وصلـوا المطار.. يلسوا في الانتظار..كانت عهود تدري ان عليا متفقه مع دكتورها يجابلون..اتنهدت اتذكرت يوم كانت تجابل مع مايد في مطعم المطار.. وينه مايد احينه و شو اخباره المشاكل الي مرت فيها.. خلتها شويه تبعده عن تفكيرها..

جافت عليا اترد ع الاتصال..شويه..
عليا: امايه اشويه بروح..المطعم..يلسي مع عهود هني انزين..
ام عليا: و جان وصلت طياره اخوي..
عليا"تضحك" بيي ما بطير هههههههه
ام عليا: لا تتاخرين..
عهود: بالتوفيج..
عليا"تبتسم" الله يوفقج..

يلست عهود تذكر ايامها مع مايد..احيانا تبتسم .. و احيانا اتحس بضيجه..حتى احينه ما اتعرف عمرها اذا كانت اتحبه شرات قبل ..ولا ..

ام عليا: تاخرت طياره سلطان..
عهود"اطالع ساعتها": لا بعده موعد الوصول..

سلطان.. و جمال اتذكرت كيف كانوا خباااااال معاها..جمال كان يضحكها كل وقت..و سلطان يعصب عليها باشيا ما اتخصه..كيف بجابله.. صج اتحسس ان هالانسان لو كان بعيد عنها..بس بداخلها جريب..

يمكن لانه كان يتصل بها بالصدفه باوقات اتكون هي مضايجه..فيها.. بس وايد ترتاح له قد ما كانت تضايج منه..
جاااافت عليا فهد يالس عند الطاوله الجريبه من الدريشه..اشر لها يوم جافها..سارت صوبه..حست بالخجل..
فهد: ماشا الله ما شالله
عليا"مستحيه" شو اول مره اجوفني..
فهد: ابصراحه هي اول مره اجوفج جي منور و حــــــــلوووووووه

عليا امنزله راسها مستحيه.
عليا: ترا امايه بتحاتيني شو الموضوع الي تباه اتكلمني فيه و ما يصير بالتلفون..

فهد: اخاف اتييج صدمه..
عليا: فهد شو تتمصخر علي..
فهد"يضحك" هههههه اسولف ..يا الغاليه..
عليا"قلبها يدق" انزين شو..؟؟
فهد: ابا ارتبط فيج..شورايج..
عليا كانت تتوقع هالكلام. بس حست ابخوف..
عليا"من غير تفكير" لا ما ابا..
فهد: هدي شويه شو فيج..
عليا: اخاف اخاف اتسوي فيني شرات نــ
فهد"يرفع ايده يسكتها" عليــــــــا.. صج تتوقعيني جي..انا اكثر واحد يعرف حالتج.. و نفسيتج..و اذا كنت ادري اني بضرج..ما تقدمت باي خطوه صح ولا لاء..
كانت عليا تسمع كل كلمه يقولها..فهد..
عليا"اطالعه"
فهد: ابرايج انا ما اغصبج ع شي هارايج و انتي حره..حتى لو رفضتي بتم دكتورج ..
عليا: انا انا ما اباك اتفارقنـي لاني احس بالامـان ..
فهد: يمكن لاني كنت في يوم دكتورج..
عليا: لااااا ..لانك انسان غير عن كل الي صادفتهم..
فهد"يحاسب كل كلمه يقولها"
: افهم من كلامج انج موافقه..

عليا اتهز راسها بمعنى نعم..
فهد : و ليش ما اتقولين انزين..
عليا"مستحيه" اتخيل اني ما ارمس..
ضحك فهد ابصوت عالي الكل الي كان في المطعم التفتوا له..

عليا"تهمس":- فهد بس..
فهد: وصلت طياره خالج..الاسبوع الياي بخطبج انزين..عشان اشويه ترتاحين و اتفكرين اوكى..

عليا"واقفه" ان شا الله ..
فهد: تعالي بوصلج تحت.. و بعدين بسير عنج..

وصلت عليا عند عهود و امها...عهود اطالعها ابنظرات تبا اتعرف شو صار...ابتسمت لها عليا و طمنتها..

ام عليا: ويه اخوي ياشر لنا من بعيد..
حست عهود بالخـووف ..ردت ورا عليا انخشت ما تباه يجوفهاا..
عليا: شفيج ما بياكلج..
اجدم منهم سلطان..حضن اخته..و طبعا ام عليا يلست اتصيح مستانسه من جوفت اخوها.. و نفس الحال مع عليا..

و ياااااه دور عهود...
سلطان"يمد ايده" اشحالج عهود..و الله ما توقعتج اتييين لج ويه يـايه..
عهود"اتسلم عليه"انت وقح..و ما تستحي..
عليا"تضحك و اتحس ابراحه" ههههه ها مب وقته..
سلطان يلف ذراعه ع كتف عليا" شحالج زينه..
عليا: اتحسسني اكبر عني بمليون سنه..لا تنسى انا اكبر عنك..

ام عليا: فرق سنتين..
سلطان: اسكتوا عن تسمعكم عهود..
عهود: لا حشا صمخه ما اسمع شي..

يلست عهود تتأمل سلطان و هو يسولف مع عليا و اخته"ام عليا"
..وايد تغير صار ضعيــــــف..و ملامح ويه وضحت اكثر..ضحكت من عمرها يوم قالت لو خطبني بوافق هو الوحيد بنسيني مايد..عشان الضرابه الي بصير من بينهم..

ركبوا السياره رادين البيت..

**
ناصر"محرج" كل هـا الوقت فـ بيت عليا شو اتسووووووي ..
ام ناصر: انا قلتها قولي اخوج بس هي ما طاعت عنيده..
ناصر: انزين انا براويها كيف اتكون عنيده زين ما زين..

شويه و دشت عهود مستانسه..من كل الي صار تعليقات سلطان.. كله سوالف و ضحك..

ناصـر:- وين كنتـي..ها..
عهود"ابرود" ما قالتلك امايه..
ناصر: لا و الله و انتي وين لسانج امحني..
عهود: انا مصدعه و تعبانه..
و سارت حجرتها.. بس قبل لا تدخل..حست بناصر وراها و يير شعرها..يلست عهود اتصرخ..و امها اتحاول اتهدهم..
عهود"اتصرخ" ما يخصك فيني ..قوم عني..
ناصر: انا بأدبج يا الي ما عرفوا اهلج يادبونج..
و يلس يضربها.. و عهود اتصارخ و اتحاول ادافع عن نفسها..هدها ناصر يوم حلفت عليه ام ناصر ان يهدها..

دشت عهود حجرتها اتصيح.. و عبايتها و شيلتها مفروره في الصاله....كانت اتحس بجسمها متكسر..عمرها ما استانست و ان ياه يوم اتكون مستانسه لازم حد ينكد عليها..

شلت موبايلها امحرجه.. و اتصلت لـ مايد..
مايد: عهود..
عهود"اتصيح" كل منك لو خطبتني ما كان ها حالي..
مايد"خايف عليها" شو فيج ليش اتصيحين..

عهود"اخوي ضربنـي..
مايد: ليش ليش يمد ايده عليج..
عهود"اتصيح" ان شا الله اموت و افتك ...
مايد"قلبه يعوره" لا اتقولين جي..ان شا الله انا ولا انتي..
عهود: امي عايشه و جي يسوي فيني باجر يوم بتروح.. شو بسوي فينـي..هو و الي معاه سعاد..

مايد: حبيبي لا تصيحين اهدي شويه..
عهود: ما يخصك فينـي يلا باي..

وصكرت التلفون حست انها خبله..شو ذنبه مايد..ليش اتصلت فيه..هو ما يخصه..لولا الظروف كانت احينه مرتاحه معاااااااه...
وين اتروح تتصل ابمنووووو ...سند خلاص هدها..و سلطان..لا لا ما فيها ع المشاكل..كانت افكارها اتروح و اتيي لي ما رقدت..و موبايلها ايرن حولته صامت لانها ما تبا اترد لـ مايد و اترمسه لازم تنساه..

عهود يالسه بكفتريا الجامعه..كانت اتحس انها بعالم ثاني..كل ما تذكر البارحه يووم ناصر ضربها..ادمع عيونها..

رن موبايلها...جافت المتصل سلطان..
سلطان: يا مرحبا يا ناعم العود و الصوت..
عهود: هلا سلطااااان..
سلطان: افااااا شو فيج..
عهود: ولا شي الا بسالك..
سلطان: تدللي..
عهود: انت بترجع اتسافر مره ثانيـه..
سلطان"مستغرب" هي..عطوني شهرين اجازه.. وبرجع هناك...ست شهور

عهود"امغمضه عيونها" عيل تعال اخطبني عشان افتك من هني و اروح بعيد عن هالدنيا..
سلطان: عهووووود انتي صاحيه..
عهود: لا تتحراني اذل عمري ... ذليت عمري وايد يوم سمحت لاخوي ناصر يمد ايده علي و يزوجني غصبن علي..

سلطان"محرج" شو بعد مسوي ها.. و الله بجتله ..كل شي ولا عليا و عهود اغلى ما املك بحياتي..

عهود"مب متوقعه كلامه": انا غاليه عندك..
سلطان"يغير نبرة صوته": ليش ما تدرين..
عهود: لاااا ما ادري..انا ما ادري من وين يتني هالجرأه..
سلطان: أي جرأه ..انا اصلا ناوي اخطبج..
عهود: و بتاخذنـي بعيد ..
سلطان: باخذج مكان محد فيه غيري و غيرج شو تبين بعد..
عهود: كل الي اباه ارتاح..بسني مليت من الدنيا و من همها..
سلطان: فديتج عهود كل ها متعذبه..و الله يا الغاليـــــه جان تبين بخطبج اليوم..

عهود: لا لا انا اسولف يلاا علي محاضره..السموحه منك..
سلطان: شو السموحه منك ..اتحسبين اتريا رايج انا.. ولا واقفنج لي اتقولين تعال اخطبني..

عهود"تهمس" بس بس سلطان انسى الكلام الي قلته لك..لحظه ضعف..

سلطان: انا ما يهمني كلامج ..المهم انا ..شو ابا..و باخذ الي اباه غصبن عن الكل..بسير اخطبج من عمج..ناصر ماله كلمه علي..

عهود"محرجه" قلتلك جب و انسى السالفه يلاا باي..
سلطان:لا اتقولين جب..احترمي نفسج..لادوسج في بطنج..

عهود: اتروم انت انا الي ما عندي سالفه ارد ع اتصالاتك..يلا باي.."وصكرت الموبايل"

وراحت محاضرتها..

**
بها اليوم كانت خطوبه علياا..لـ فهد.. و خطوبه ناصر لـ سعاد..
في بيت ام عليا..سلطان..يالس مع فهد بالميلس..
سلطان:جوف يـا دكتور ع قولت اختي..ترا انا واحد ..خريج سجون..و كل جرايم قتل..اذا من احينه بتمد ايدك ع عليا..اعتبر نفسك من عداد الاموات..

فهد"ميود عمره من الضحك" حشا انا ياي اخطب ولا ياي اضارب..

سلطان:لا ها مجرد تحذير..
فهد: افا عليك عليا بعيـوني..و قبلها فـ قلبي..
سلطان: ترا ابوها و اخوها مسافرين.. و هم موكلينـي..
فهد: الله يردهم بالسلامه..
سلطان: انت تدري شو راي العروس..بس اكيد اتحب تسمعه منهاا..
فهد: يا ليت..

طلع سلطان وزقر عليا...
سلطان"- علايه دشي اتفاهمي وياه و انا كل شويه بطب عليكم..يعني لا تاخذوان راحتكم..

عليا"تضحك" لا تعال ايلس معانا انا استحي..
سلطان: عيل يلاا دشي..و انا بزقر اختي و بييج..

**
ناصر كاشخ و الغتره صوب..و العقال من صوب..
ناصر: امايه وين المبخـر
ام ناصر: ها يمه ..بدخنك بالعووووود..
ناصر: ان شا الله اتوفق ادعي لي..
ام ناصر: الله يعوضك خير يمه.
..
و في طريجه سعاد ادق لـ ناصر.
سعاد: وينك تاخرت..
ناصر: ياي في الطريج..يلاا افتحوا باب الميلس هههههه
سعاد"اوكى باي حبي...

بعد شو يه وصل ناصر و دش الميلس..و كان مجابل ابو سعاد و اخوها..بعد ما شربوا القهوه و الجاي..
ناصر: و الله يا الوالـد انا ياي اطلب ايد بنتك سعاد..
بو سعاد يطالع ولده و لده يطالع ابوه..شك ناصر انه داش البيت بالغلط..

بو سعاد:- بنتي سعاد !!

ناصر: هي بنتك سعاد اذا ما كان عندك مـانع...
بـو سعاد: بس سعاد مخطوبه حق ولد خالتها...و ان شا الله بملجون بعد شهر..
ناصر"مب مصدق السالفه" مستحيـــــل ..انا ع بالي.
اخو سعاد: يا ريال البنيه مخطوبه و محجوزه له من سنين..يا ليتك سالت و تاكدت قبل لا تتعنى و اتي..

ناصر"منحرج" :-يعـني خلاص ماشي نصيب انتوا اسالوا البنيه يمكن ما تبا ولد خالتها..

بو سعاد"طفران" يا ولد الحلال البنيه مخطوبه..و اسمحلنا..

ناصر"واقف" لا انتوا اسمحوا لي..
و طلع من البيت و اول ما ركب السياره..اتصل بـ سعاد..
ناصر: انتو شو اتقصيــــــــن علي..
سعاد: شفيك؟؟
ناصر: يعني بعد شهر بتملجين و حاشرتني تعال اخطبني..
سعاد: يعني انا بعدني محجوزه حق ولد خالتي..الحمدلله لك يا رب..

ناصر: سعاد تستهبلين شفيج انتي..
سعاد: ابصراحه تضاربنا انا و بدر الي هو خطيبي و قال ماشي زواج و اتفركشت السالفه..و اتحداني اني ما بنخطب مره ثانيه..

ناصر: "مصدوم" شو قصدج ما فهمت..
سعاد: احينـه عرفت اني بعدني خطيبته.. بوصله خبر اني انخطبت عشان ينقهر مشكور ناصر ع الي سويته..

ناصر"بنبرة حزن" لعبتي علي و قصيتي علي..
سعاد: اسـفه حبي..مشكور ع المساعده.."وصكرت التلفون ابويهه"

ناصر يصرخ يا الحيوانه يا اللعـابه..رجع و اتصل ابها بس ما ردت عليه..هذي ثاني مره سعاد تلعب عليه..احينه ناصر يلس يصفق ع ايده خسر علياااااااااا ..سمع ان اليوم خطبتها..ما كان مهتم لكن احينه يوم و يرجعها..

بس خلاص ما عاد له حد في الدنيا عليا راحت في نصيبها.. و سعاد لعبت عليه.. و تم هو وحداني..

لا صديق ولا ونيس..وقف ع البحر.. مضايج ..حاس بصدره منكتم من الضيجه الي في قلبه..

خدعته سعاد خلته لعبه ابيدها..و هو شرات المسحور فيها..كان يصدقها ابكـل شي..الحقيره.. انسانه ما تستاهل حد يحترمها..

نزل من السياره..ضايجه به الدنيا.. يلس ع الحصى..يتامل البحر.. وحط راسه بين ايدينه... و كانه فقد كل الدنيا و العالم ..اتمنى يموت و يرتاح من ها الحياه..

كل الابواب اتصكرت ابويهه..حسافه ع الايام الي راحت مع عليا.. و حسافه عمره الي راح مع سعاد..كله غش و خداع..

مر اسبوع ع خطوبه عليـااا ..كانت مستانسه اتحس انها انولدت من يديد..كانت كل دقيقه اتحس ان حبها لـ فهد يزيد و يزيد..

اتفجوا ع الملجه و الزواج بعد شهر لـ ما اتزهب عليا روحها.. و يكون بها الوقت ابوها و اخوها موجودين..

اما ناصر فانجلبت حياته هم و غم.. امه و عهود كانـوا ملاحظين عليه انه تغير وايد..

كانت حياته كله من الدوام للبيت و ييلس داخـل حجرته مل ما يطلع منها الا اليوم الثاني عشان يروح الدوام..

كانت عهود ع الرغم من انها مضاربه وياه الا انها كانت اتحس بالشفقه من صوبه..كانت اتحاول اترمسه بس هو صار انسان ابحاله..لا يرمس حد ولا يكلم حد..

و صارت علاقه عهود بسلطان قويه من يوم خطبه عليا.. زاد الاتصال بين سلطان وعهود..و كانت عهود مستانسه لانها قدرت تنسى مايد..

و صار كل همها انها اتحافظ ع سلطان..و ما اتودره شرات ما صار لها مع سند..

اخيرا اتقدم سلطان لخطبه عهود..عن طريج عمها..كانت متخوفه ان ناصر يوقف بويهم..بس بالعكس طنش السالفه..ولا كانه له خص بالسالفه..

و تم خطبه عهود و سلطان..بعد اسبوعين من خطبه علياااااا

...
كانت عهود يالس ع النت تسمع اغاني يوم رن موبايلها..
عهود: الـووووو
سند: عهود..شحالج..
عهود"ساكته"
سند: نسيتيني انا سنـد..
عهود: خير...؟؟
سند: سمعت انج انخطبتي..
عهود"تطنز": ممنـوع ولا حـرام..
سند: لا مب ممنوع ولا حرام..بس انا بغيت اقولج..اني جذبت عليج يوم قلتلج لقيت بنت الحلال..صدقيني انا بعدنـي ابا اردج..شو رايج..

عهود"ساكته مصدومه اشمعنى احينه سند طلع في حياتها مره ثانيه.."
سند: الــــــــووووو
عهود: مايد امطرشنك..

سند: لا و الله ...مايد ماله علاقه و ما يدري عن شيء..
عهود: خلاص سند ها نصيبي و ان شا الله بملج بعد اسبوعين..

سند: يعني خلاص مقتنعه بكلامج..
عهود: هيه و يلاا مع السلامـه...

سند"متحسف": السموحه و مع السلامه..

كانت عهود مستغربه ليش سند فكر يرجعها احينه بعد ما انخطبت من سلـطـان...كانت مقتنعه بداخلها..ارتباطها بـ مايد مستحيل..
عشان جي لازم اتحافظ ع سلطان..كافي انه يحبها و يقدر يحميها من كل شي..رن موبايلها مره ثانيه..
عهود: هلا علايه..
عليا: هلا حرمة خالـي...
عهود"تضحك" اونـج..
عليااااا:- بسير بن ظاهر بتيين معاي..

عهود: احيـنه !!
عليا: مشغوله..
عهود: لا خلاص بيي معاج..بس لازم اخبر سلطان اوف بحشرني لو طلعت من غير ما اقوله..
عليا: اوكى بطرش لج الدريول و بعدين مري علي..اجهزي ابسرعه ها قبل لا ياذن العشاا
عهود: ان شا الله حميتي..
عليا"تضحك ههههه يلا باي..

اتصلت عهود بـ سلطان اكثر من خمس مرات بس موبايله كل مغلق..جافت الساعه فقررت تلبس..و بعدين بتخبر سلطان..

..و طلعت من حجرتها..
عهود: امايه بروح السوق مع عليا..
ام ناصر: لا اتاخرين..
عهود: ان شا الله وينه ناصر..
ام ناصر"مضايجه" ابحجرته الله يعلم ابحاله..
عهود"تتنهد": يالله الله يعينه و يعوضه ..

سمعت صوت الهرن..قامت و شلت عمرها..راكبه السياره..

**
عذاري"محرجه" انت شفيك من تزوجنا عمرك ما حسستني بحبك..انا متاكده شي انسـانه ثانيه في حياتك..

مايد: عذاري لو سمحتي انا مب فايج لج..

عذاري "اتحط ايدها ع خصرها" انت اصلا متى كنت فاضي لي ..منو هاي الي ماخذه تفكيرك..

مايد"يصرخ عليها": انتي ما تفهمين..
عذاري :- الله ياخذها دمرت حياتي حتى لو اني ما اعرفـها..

مايد"وقف محرج" اذا مره ثانيه عدتي هالجمله ويهج ها بكسره.

عذاري"اتصرخ عليه" انت شو ما اتحس فينــــــي عيل ليش تزوجتني هـا..

مايد: تراج صدعتي براسي الواحد مب عارف يرتاح معاج..
و شل سويج سيارته ..ناوي يطلع برع البيت..قامت عذاري تريه من ذراعه..
عذاري"اتصارخ عليه" شو رايح لها و بتخليني هني ابروحي مجابله الجدران..

مايد"مب متحمل تصرفاتها..دزها ع الكنبه.. وطلع من البيت امحرج....لحقته عذاري..بس صكر باب الحوي..و شغل سيارته قبل لا اتسوي له فضيحه في الفريج..

ركب سيارته امحرج و يلس يلعن اليوم الي عرف فيه عذاري..شغل السياره ..و اتحرك..عصب يوم جاف عذاري واقفه عند باب البيت اتصارخ..ما يعرف شو كانت اتقول..

**

عليااا يالسه اتحاوط في سبلاش..و عهود ملانه اطالع الرايح و الياي..راحت لايف استايل.. اتجوف اغراضهم..و بعدها راحت شومارات..

ردت لـ عليا جافتها بعدها ما خلصت..
عهود: انتي شو يالسه اتقايسين كل الملابس الموجوده في المحل..

عليا:"تضحك" ابا اكشخ باجر فهد بزورنا في البيت..

عهود:يا حافظ عليج..بسير صوب بيبي شوب و بعد ما اخلص من حواطه هناك..بمطج من شعرج ..و بركبج السياره..ها انا اقولج عطيتج فرصه..

عليا: خلاص ما بجى شي بخلص روحي البيبي شوب..بييج يوم بخلص..

عهود: اوكى بنجوف..

راحت عهود تتحوط في البيبي شوب..ردت لورا يوم جافت سلطان..موجود في المحل..يالس يلف و يدور و شال سله ابيده و فيها ثياب اطفال..

كانت عهود مستغربه..سلطان شو يسوي هني.. و هو ماله معارف عنهم يهال عشان يشتري لهم هديه..

حتى جمال توه معرس ما لحقت حرمته اتيب له نونو..
يلست اتلاحقه.. و جافته يترس السله ثياب و العاب..لاحظت ان الثياب الي يشلها مقاس طفل سنتين..

فكرت اتحط سلطان بالامر الواقعه و اتعرف شو سالفه هاي الملابس..
عهود"واقفه وراه" حق منو هالاغراض..
سلطان"يلتفت لها مصدوم" عهوووود انتي شو اتسوين هني..؟؟

عهود: بالاول انت قول لي ها الملابس حق منوووووووووو

سلطان مرتبك.. و هالشي الي خوف عهووود اكثـر.
عليا: انتي هني يلا خلصت..اووه سلطان هني..
عهود"اطالع سلطان و اترمس عليا" عليا خالج يشتري حق منو..؟؟

عليا: ليش ما قالج...؟؟
سلطان: عليا مب وقته احينه..يلاا خلصتوا خلوني اوصلكم..

عهود: لا انا مب متحركه من هني قبل لا اعرف هالاغراض حق منو..

عليا: ليش ما قالج انه من سنتين امعرس من اجنبيه و عنده منها بنت..سلطان مب انت قايل بتتفاهم معاها..

دارت الدنيا بـ عهود..مستحيـــــــل الكلام الي يالسه تسمعه...حتى سلطان خدعها...

سلطان: عليا مب هني.."مد ايده لعهود يلا انروح نتفاهم برع"

ردت عهود مصدومه.."لا لين هني و كافي حرام عليكم ..ليش اتسون فيني جي."تصيح".انا خلاص تعبت مب رايمه اتحمل ..
سلطان: عهود حبي..
عليا"اتلوم سلطان" انت فهمتني انها اتعرف السالفه..
عهود اتحس ان جسمها اتخدر..مر في بالها..ناصر يوم يضربها ومايد حبها الوحيد....وبعدين سند الي طلقها.. و احينه سلطان..خدعها..

حست ابعمرها مخنوقه..و الزمن صج قاسي عليها. و الدنيا مب راضيه ترحمها..

شلت ابعمرها.. و طلعت من المركز ابسرعه..و سلطان و عليا يلحقونها..
عليييييا: لحظه عهود اتريي
سلطان يمسك عهود..
عهود"اتصرخ عليه" هدني ..

وفتحت باب المركز.. وتركض برع..و عليا و سلطان يزقرونها..صرخت عهود.. يوم جافت سياره يايه صوبها..

اخر ما سمعته..صرخت عليا..فتحت عيونها..جافت الناس مجمعها حوليها..كانت بتتكلم..و هي اجوف مايد.يصيح.و يضربها ع خدها..عشان تنتبه..او ترمس او اتقول أي شيء..

**

طلع الدكتور من الحجره الي فيها عهـوود...ركضوا له..ناصر و امها. و مايد و سلطان.. و علياااااااا..
الـدكتور: وين ولي امرها..
ناصر: انا اخوها و هاي امها..خير طمنا..ان شا الله ابخير..

الدكتور: اسف بس هاي متوفيه قبل لا توصل المستشفى..الضربه يتها فـ الدماغ..

ام ناصر و عليا طاحوا غشياناااااااااات..
و سلطان مسك الدكتور من رقبته"يا الجذاب..عهود ابخير..روح عالجها لاكسر راسك.....
و ناصر يلس ع الارض..مب رايم يتحرك..راح عبدالله و احينه عهود..ما بقى الا هـو ..راحت عهود.. بضحك ويا منو احينه..

و بسولف ويا منو بتسلط ع منو و بضرب منو ..راحت الي بتستفزه..راحت قبل لا تملج
رااااااااااااااااااحت دلوعة امها..

رجع مايد لورا مصدوم..ركض بين ممرات المستشفى.. و يلس يضرب راسه باليدار..جتلت حبيبتي جتلتها ابيدي..

دعمت الغاليه..الي عطتني كل حبها و قلبها..جتلت اخوها قبل و احينه اسيره الهــــــم....

و يلس يضرب راسه باليـــــدار و الدم ينزل من راسه لي ما طاح غشيـــــــــــاااااااان..

**

تمت..

Rolling Eyes

عن تبجون بس..A

ما ورا

قسمتي والي تمنيته وكل احلامي وآمالي و للاسف ياحب اغليته "قصة عهود".. - صفحة 3 764997

قسمتي والي تمنيته وكل احلامي وآمالي و للاسف ياحب اغليته "قصة عهود".. - صفحة 3 435975

غلوي اشكرج عالمتابعة الطيبة

يالله بالستر ما دااني يوم تكون القصة نهايتها حزينة

تسلمين شواااقي ع القصة الروووعة

ويعطيج الف الف عاافية ع المجهووود

لا تحرمينا يديدج

اختي شواقي شو ها متى بتخلص التكمله لهاي القصه والله متشوقين للتكمله

وثانكس ع القصه

يسلموو اختي شواقي ع التكلمه

وننطر كل يديد منج

تحياتي حتاوي

» |،:":":ليت الدموع تزيل همي و تجلاه ":":":،|
» "" عندما يقف امامك شخص دمر جزء كبير من حياتك ""
» تصوير شواقي المتنوع ..."كلكشن شوااقي ""
» ""مسجات الزعل""
» ҳ̸Ҳ̸ҳاتحب الحبيب "صلى الله عليه و سلم"??ҳ̸Ҳ̸ҳ|مُشًِتَرِْكِهَ بـَآِلْمًسًُـآٍبقَةًِ ●●