قسمتي والي تمنيته وكل احلامي وآمالي و للاسف ياحب اغليته "قصة عهود"..

يسلموووووووووووووووووووووووووو سجوي ..

واشكرج عالمتااابعه ...

[size=21]عهود"مطنشه البنات الي يطالعون" انا امنتج و اعتبرتج شرات اختي قمتي اتخونيني و اترابعين اخوي مع علمج انه معرس..و اتقولين خطيبج يا الخاينه..

سعاد"منحرجه مب عارفه شو اتقول.. شلت عهود كتبها و سارت عنها..اتصيح الحين شو اتقول حق علياااااا..

حليلها عليا ما تستاهل واحد شرات ناصر..رجعت عهود البيت..بسيارة الدريول و خلت سعاد واقفه عند باب الجامعه...خلها ادور لها حد ياخذها الخاينه..

دشت الصاله و كانت سرحانه ..كيف اتخبر عليا.. طبعا ما تقدر اتقول ناصر شي..

ام ناصر: تعالي اتغدي..

عهود:- مالي نفس..
طالعت علياا فبتسمت لها علياا..كانت عهود بتصيح..يوم جافت ويه عليااا

دشت حجرتها..وقفلت عليها الباب... طلعت موبايلها تتصل بـ مايد بس جافت مسج..من سعاد" بتندمين يا ناكرة الجميل"

عهود خس الله ابليسج يا الخايسه..و اتصلت بـ مايد..
عهود:- مايد انا مضايجه و مب عارفه شسوي.."تصيح"
مايد: شفيج حبي...؟؟
عهود"تصييييح مب رايمه تسكت.." تمم مايد ساكت يتريا عهود لي ما تهدى و ترمس بروحهـا...

عهود:- ابا اجوفك مايد..

مايد: وين تبين انا حاضر..بس دخيلج ورفجة بو خليفه لا اتصيحين..

عهود: انت اليوم امناوب في المطار..وين بجوفك..
مايد: تعالي المطعم شفيهـا..

عهود:- خلاص بيي العصر..ابا ارقد احينه تعبانه و راسي داير..

مايد: اتحملي ع عمرج حياتــــــي..
عهود: ان شا الله حبي..

**
سعاد تركب سيارة ناصر..
سعاد"محرجه" جفت اختك شو سوت فينـي..خلتني واقفه عند باب الجامعه و سارت بالسياره ابروحها..

ناصر: ليش شو مستوي..؟؟
سعاد" تصيح و تراوي خدها لـ ناصر" جوف ضربتنـي حذال البنات فشلتني ما ترضاها علي..

ناصر"محرج" ليش شو سويتي فيها...؟؟
سعاد: نعم انت ادافع عن اختك .."تصيح" اسال البنات انهدت علي..كنت انصحها بس هي ما تسمع الكلام..

ناصر"مستغرب" تنصحيهـا

سعاد: اسمعني انا وايد سكت عن تصرفات اختك بس الحينه لازم اتعرف كل شي..

ناصر"معصب":- اوووووووه يلا انطقي انزين..

سعاد"تمسح دموعها":- ترا اختك متعلقه بشاعر مايد الشحي مال راس الخيمه..و اطرش له ايميلات و اترمسه بالتلفون و دوم اجابله في المطار مكان شغله..و اذا مب مصدقني كل اسبوع مثل هاليوم يكون مناوب و تخليني اوصلها.. و اليوم اكيد بجابله روح وجوفها..

ناصر: ليش واثقه انها بجوفه..
سعاد: لانها مضايجه .. وهي دوم اترمسه يوم اتكون مضايجه..

ناصر" يمسك ذراع سعاد" انت شو اتخربطيييييين..
سعاد: انا يوم نصحتها ضربتني..و ترا اداري عليهـااا عليا

تم ناصر ساكت طول الدرب معقوله عهود المتربيه ..جي اتسوي..ليش يا عهود ليش..و حتى عليا ما توقعها جي كل ها يصير و هو ما عنده خبر ..


وصلوا عند بيت سعاد
سعاد: انا اسفه حبي بس ما اتحمل خلاص..
ناصر: مشكوره غناتي يلااا باي..

و بالطريج فكر ناصر مستحيل كلام سعاد صج امبلى عيل ليش مب راضيه اتوافق ع خطبه سنـد..فكر يتريا و يجوفها العصر..


دش ناصر البيت..و سيده دش حجرته..
عليا: احطلك الغداا..
ناصر"محرج عليها" ما ابا شي من ايدج..

عليا: ليش انا بشو زعلتج..
ناصر:- جب ولا كلمه مفهووووووم اذا تبين اتمين صاحيه انطمي ولا ترمسين معاي..
عليا: ليش اتعاملني جي..وين ناصر الي يخاف ع زعلي..وينه الي يغار علي..
ناصر"يدزها" روحي لااه ما عندج سالفه..
يلست ع الكنبه..اتصيح من خشونه ناصر..

**
فتحت عهود عيونها ع رنة الموبايل..
عهود: الـــــووو..
مايد:- وينج اترياج ..وايد احاتيج..

عهود"تبتسم" رقدت وايد..يلااا دقايق بكون موجوده...

مايد: اوكى دقي لي يوم بتوصلني عند المطعم..

اتغسلت عهود و لبست عبايتها و شيلتها..طلعت من الصاله..حمدت ربها ان ناصر مب موجود..خبرت امها انها بتروح المكتبه مع الدريول..

ركبت السياره..اتصلت بمايد و قالته انها جريبه من المطار..

ناصر يلاحق عهود ..كان شاك بكلام سعاد بس الحين طلعت السالفه صج..عهود رايحه المطار له..ضرب ايده ع سكان السياره محرج..

نزلت عهود عند الباب الرئيسي للمطار..و قالت الدريول اييها بعد ساعه..

و قبل لا ادش المطار..سمعت صوت ناصر يزقرها..اتروعت عهود ووقفت ابمكانها خايفه..مطها من شيلتها..ويلس يسحبها لي سيارته..

حست عهود انها مخنوقه و يلست اتكح..يلست تتنفس بصعوبه..يوم هدها.. و صكر باب السياره..عرفت ان سعاد الحقيره قالته كل شي.

ركب السياره و هو محرج..
ناصر"يضربها" يا الحقيره ..و يلي ما تستحين ع ويهج...

حاولت عهود ادافع عن عمرها اتصيح و اتصرخ و كانت تحكي له انها عرفت كل شي بينه و بين سعاد بس ناصر ما كان يسمعها...شو اتقول..

اظلمت الدنيا بعيون عهود و طاحت غشيانه يوم يتها ضربه من ناصر عند اذنها..

فتحت عهود عيونها .. جافت خيال امها و علياا يصبون عليها الماي و يضربونها بطراقات خفيفه ع ويها عشان اتقوم..

انتبهت عهود بكل الي صار لها..جافت انها اتصيح..فطاحت بحضن امها اتصيح..بصوت عالي شرات اليهااااااااال..عليا و امها يحاولون يعرفون شو السالفه ..بس عهود تمت ساكته مب رايمه ترمس...

عطتها عليا ادول..فرقدت ..و تمت عليا يالسه معاها..فتحت عيونها ع الساعه عشر فليل..جافت امها راقده حذالها..قامت عشان تطرش ايميل لـ مايد..بس جافت الكمبيوتر مب موجود..

انتبهت ام ناصر ..لابنتها..
عهود"بصوت ضعيف": امايه وين الكمبيوتر..؟
ام ناصر:- اخوج شله ..تبين تاكلين شي..يمه..اسوي لج شوربه..

عهود"تصيح" ابا اموت بس...
ام ناصر"خذتها بنتها بحضنها..:- بسم الله عليج يمه؟؟

ورجعت رقدت عهود.....

**
عليا"تصيح" و الله انا ما ادري عن شي كل الي اعرفه انها اطرش له ايميلات بس ما ادري انهم ع اتصال جي..

ناصر"يصك ع اسنانه" جذابه انتي كنتي تتسترين عليها..مب بعيده معلمتنها هالسوالف ولا عهود ما تعرف هالخرابيط..

عليا:- ناصررر انت عارف شو يالس اتقـووووول..

ناصر"يلومها" بس العتب علي انا الي خليتكم ع راحتكم و انشغلت عنكم ما عليه عليووووه ما عليه يا بنت الاصول..

ويرها من ذراعها..وخذها حجرة عهود..قامت عهود و امها من الرقاد من صوت الباب..

ناصر"ييلس عليا ع الشبريه" عهود لصقت بامها خايفه..
ناصر: هذي سواياج..

عهود"بصووت واطي": عليا مالها خص ما تدري عن شي..
ناصر: هي تستروا ع بعض..

عهود: اصلا عليا ما تدري عن شي"قالت متعمده" سعاد هي الي كانت اتخطط لكل شي..

عليا: و الله انا مالي خص..صدقني ناصر..
جاف ناصر الصدق بعيون علياااااا ..
ام ناصر: شو السالفه تضاربون و انا ما اعرف شو مستوي..

ناصر: امايه من باجر نظفي البيت..انا اتصلت لـ سند و قلته نحن موافقين ع الخطبه.."كانت عهود بتقاطعه بس ناصر سكتها" جــــــب ولا كلمه...

ماشي جامعه ولا كمبيوتر و موبايلج عندي لي ما تنخطبين..

عهود اتصيح و مب رايمه اتقول شي خايفه...و ناصر يطالع عليا..

ناصر"يهمس" حقج عليه عليااااا..

عليا منزله راسها و قالت في خاطرها الحمدلله..طلع ناصر من الحجره و لحقته علياا..
عهود"اترمس امها" مب ع كيفه يزوجنـي ..انا ما ابا سند..
ام ناصر: يا يمه اخوج يعرف مصلحتج اكثر مني و منج..

عرفت عهود ان سعاد جلبت حياتها فوق و تحت.. انحرمت من كل شي..بس سعاد بتم علاقاتها باخوها ناصر..

احتارت كيف اتخبر علياااا ولا اتخلي الايام تكشفهم..بس مايد كيف بتوصله..اتفدته في قلبها اكيد اليوم يترياهاااا ..لو يعرف شو صار فيها اكيد بغير رايه و بخطبها..

بس شو بيسوي يوم بعرف انها صارت خطيبة ســــــند..

**

ربي يسلمج اختي كحيله ...

والحين راح انزل بقية القصة ...^^

الجزء التاسع..

عليا في بيت اهلها...يالسه اتسولف و تضحك مع امها ..دش سلطان..
عليا: عقبالك سلطان تتبع عهود..
سلطان"يتنهد" تدرين اني كنت اباها ..

عليا: شسوي الراي بايد ناصر حتى هي مب موافقه..

سلطان: الله يغربله..
عليا: ويييييه لا تدعي ع ريلي ..
سلطان:- خليه يضربج و تعالي خبريني ..عشان اكسره الحيـوان..

ام عليا: استغفر الله شو تبا ولد الناس..

سلطان: واقف لي هني ما ينبلع حرمني من حرمتيه..
عليا"تضحك" ههههههه شو حرمتك خلاص البنيه راحت في نصيبها..

ام عليا: قول تبا تخطب بس و انا من باجر بدور لك ع وحده..

سلطان:- ما بخطب ادري عهود لغايه ريلها ما بتحملها و بطلقها و انا بتزوجها..

عليا: شو تتحرا الزواج لعباان

سلطااااان: ما ابا غير عهود..

ام عليا: الله يهداك يا اخوي...

عليا: محد يعلم شو الغيب
يرن موبايل عهووووود..طالعت عهود جافت رقم عرفت ان المتصل سند..
عهود: الو

سند: اخيرا سويتي لي افراج اشحالج..
عهود"مستحيه:- طيبه طاب حالك..

سند: ليش كل ها تبين تتغلين علينـا ..

عهود ساكته مب عارفه شو اترد..
سند:شكلج مضايجه..
عهود: لا و الله بس ناشه من الرقاد..
سند: خلاص عيل ما بطول معاج بس شو رايج ازوووركم اليوم..
عهود:- حيـــــــاك البيت بيتك..

سند: تسلمين مع السلامه حبي..

عهود:- مع السلامه..

ابمجرد ما صكرت عهود الموبايل يلست اتصيح تذكر مايد لو كان ريلها ما كان جي حالها...بس سند صج فيه نذاله اكيد يعرف اشكثر عهود متعلقه في مايد..

**
اتكشخت عهود و لبست..احلى ما عندها..دشت عليهاا امها الحجره..
ام ناصر:- يالله ريلج وصل ..اخوج ناصر عنده..
عهود: يوم بطلع ناصر من عنده انا بدش..

ام ناصر: يا بنتي ها اخوج مهما سوا فيج يبا مصلحتج..
عهود"اترش عطر" انتي ما تعرفين شو مسوي..

ام ناصر:- شووووو

بها اللحظه دش ناصر الحجره..
ناصر:- يلااا عهود سند يترياج فـ الميلس..

طنشته عهود و ما ردت عليه..لاحظ ان عهود امطنشتنه فسكت و طلع برع الحجره..

ام ناصر: الله يهداج بس..

عهود: وين عليااااا...؟؟
ام ناصر: يحليلها عليا فـ المطبخ يالسه اتسوي لكم عشااا

اتنهدت عهود يوم تذكرت خيانة ناصر لهاا..شلت عمرها..وراحت الميلس ..حست بربكه شويه..بس اتشجعت..دقت الباب..

وقف سند يوم جاف عهود الي داشه..سلمت عليه..جافت سند يطالعها غير فنزلت راسها مستحيه..

سند: شحالج الغاليـــــه..؟
عهود"تيلس بعيد عنه" ابخييييير

سند: شكلج غيـــــر يوم انتي جريبه ..تعالي يلسي هالصوب ما باكلج..

عهود"مبتسمه" لا هني احسن.." وكل شويه اتعدل شيلتها من الربكه"..

سند"يضحك عليها فقام من مكانه و يلس حذالها..اتحركت عهود شويه0 بعيده عنه..و قالت في خاطرها شوها من الحين لزقه جي..

سند:- اتمنى اتكونـــــــين راضيه..

عهود:- الحمدللــــــــه..
سند:- سمعت انج وقفتي عن الجامعه ممكن اعرف السبب..
ما عرفت عهود شو اترد عليه..نقذتها امها يوم دشت.. و شاله معها صينية العصير..

ام ناصر:- اتفضل يمه لا تستحي البيت بيتك..
سند: مشكـووووره عمتي..
<يتبع

ما ورا كان بتخلصي القصة


ننتظر باقي الاجراء

الله يعطيج العافية

يحليلج غلوي ذليتج بقصتي لاه ههههههه

يالله بروح انزل باقي الاجزاء^^

**
اجلبت عهود ع فراشها... محتاره تتصل بـ مايد او لا..عمرها ما فكرت ادق له بعد ما طلقها سند..بس احينه بعد ما جافته..ما اتروم اتيود عمرها..

كانت تضرب ارقام موبايله و عند آخـر رقم..ترجع و اتغير رايها.. تمت حوالي ربع ساعه ع هالحال..

اخرتها..اتصلـت..ما توقعت انه يرد عليها بها السرعه..
مايد:- وحشتيني يا اغلى و اطهر من عرفت..

عهود" مصدومه من كلام مايد ما توقعت ..يسمعها هالكلام..

مايد:-.. سامحني اذا بحقك اخطيت .. أنا كان كل همي أسعد وجودك
هذي دموعي على الخد ابكيت .. أنا بس مجرد صاحب يصونك
يحبك يعــــــــزك بالحيــــــــــل .. وكان يتمنى يعيش ملك بكونك
ظروفه امنعته واسقته الويل .. معذور يوم الأمل صار فراق
(( ظبية المزيونة))

تمت عهود ساكته و دموعها صارت ع خدهـا.. كانت مغمضه عيونهاااا.. تسمع بكل كلمه ينطقها مايد.. كانت اتحس بكل دقه بقلبها ..تعزف الحان مع الحروف الي يتنطق بها مايد..

بطلت عيونها يوم سمعت صوت مايد..
مايد"بنبره هاديه"اسيرة الهم....

كانت عهود بترد و بتقوله أحبــــــــك .. بس سمعت صوت انثوي يزقر مايد..حست في بروده ابـكل جسمها..

مايد:-"يرمس بصوت واطي" لحظه حـبي انزين..

بس عهود ما اتحملت حست بالخيانه.. و صكرت التلفون ع طول.. رجع مايد اتصل بها بعد ربع ساعه..

بس ما ردت عليه.. لانها كانت اتصيح ..و بنفس الوقت كانت اتحس انها بـ عذاب و محرومه.. من كل شي حلو في حياتهااا..

وصل ناصر و امه المستشفى.. دشت ام ناصر اتسلم ع عليا و امها.. و ناصر كان برع مع الدكتور..

الدكتور: ها ما اوصيك ما نبا عتاب ولا لوووووم..

ناصر"مرتبك" ان شا الله..
دش الدكتور.. و طلعت.. ام عليا و ام ناصر..

الدكتور"يرمس عليا" شحالج يا الطيبه..
عليا"مستانسه" اتهز راسها بمعنى انها بخير..

الدكتور:- حد يبا يزورج..مشتاق لج حيل
فكرت عليا يمكن يكون سلطااااااان..فهزت راسها تبا اتجوفه ..

الدكتور: اتفضــــــــل اخـوي..
دش ناصر الغرفه..اتفاجا بـ علياا..يوم جافها كانت يالسه ع الشبريه.. وايد ضعفت و اتغيرت.. بس اتبين احسن عن قبل بـ وايد..

ناصر"يبتسم لها" اشحالج حبـــــــي..؟؟"و اجرب من الشبريه.

هزت عليا راسها بمعنى لالااااااا مصدومه من وجود..ناصر..كانت اتحسب سلطان.. بطلت عيونها يوم جافته يجرب منها.. و دكتور فهد يراقب الموقف..

وقفت ابسرعه.. و وقفت ورا الدكتور و كانها تحمي نفسها من ناصر... كانت اتحاول اتصارخ.. بس ما كانت رايمه..
وقف ناصر ابمكانه مستغرب..معقوله علياا الي كانت تبا رضاه صار بالنسبه لها كابوس.

الدكتور..:- عليااااا ما يبا ياذيج ناصر للحين يحبج و يباج..
بس عليا يلست تضرب ريولها ع الارض و اتهز.. راسها..كانت تبا اتصارخ.. حطت ايدها ع رقبتها..و طاحت غشيانه...

الدكتور"مسكها" علياا علياا" و يلس يضربها بويهاا..
ناصر"خايف" شو السالفه..

دشت الممرضه الغرفه..كان ناصر بجدم عشان يمسك عليا و يحطها بالشبريه..

الدكتور" رفع ايده" لا لا لو سمحت خلك بعيد.. و ياليت تطلع برع الحجره..

طلع ناصر من الغرفه امحرج..و شويه و طلع الدكتور..
ناصر: معقوله بتم جي طول حياتها اتخاف مني..
الدكتور"يلومه" تراك انت السبب..

ناصر: الحينه بترجع شرات قبل..
الدكتور: لا ما اظن..
ام علياا: شفيها بنتي..
الدكتور: لا اتخافين..ردت فعل طبيعيه..بعد دقايق..دشوا لها بتكون راقده.. اتمنى انكم ما تزعجونها.

اتحرك ووقف بوسط الممر
الدكتور:- لو سمحت ناصر لا تدخل الغرفه.."و كمل طريجه"

ناصر:محرج: يغربل الحاله..

**
بعد مرور ايام..قررت عهود تقطع..مايد الشحي و يصير ذكرى بحيـاتها..مثل ما قطعت الاتصال و القااءات..كانت اتعرف صعب عليهـا ..
بس عشان ما توقف بطريج سعادة الحرمه الي اختارها مايد اتكمل معاه حياته..
كانت بالكافتيريا تشرب عصير و سرحانه بافكرها.. و الحياة الي تغيرت.. رن موبايلها.. جافت رقم شيخه حرمة اخو عليا.طالعته باستغراب..

فكرت عهود اكيد احينه ريل شيخه"اخو عليا" رجع من السفر و اخوي عليا ينشد عنها..لاحـول..

عهود: الو..
شيخه:- اشحالج الغاليه..

عهود: الحمدلله"تستهبل" منو شيخه.
شيخه:- هي شيخه حرمة جاسم...

عهود: شحالج و شو اخبار السفر..
شيخه: الحمدلله ولهنا ع الـدار و الاهـل..

عهود:" في خاطرها صار لعليا كم شهر بالمستشفى توكم اتفيجتوا تنشدون.."!!

عهود"اتغير السالفه" اشحاله عمج"ابو عليا" ان شا الله مستانس
شيخه: الحمدلله بس شكـله طفر..لا بسالج قوم عمتي وينهم..

عهود:"شو اتقول احين" ليش انتي ما اترمسيها..!!؟؟

شيخه: امبلا دوم انرمس عمتي فـ الموبايل بس يوم نتصل فـ البيت محد يرد علينا
حتى عليا ما اترد شو السالفه ترا جاسم و عمي يحاتون..بعد الظروف سلطان سافر جان بنتصل له نتطمن عليهم..

عهود: ترا عمتج يالسه عنا في البيت عند عليا و عليا مشغوله.. ويا ريلهااا..اتعرفين بعد الغاليه بدات محاضرتي السموحه..

شيخه:- ماعليه سلمي ع الاهل باي..
عهود: مع السلامه..

استغربت عهود وين كل هالفتره ما يسالون اشمعنى الحين اكيد وصلتهم سالفه علياا..حليلها عليا ما طاحت الا يوم كلهم سافروا عنها..

شلت اغراضها من ع الطاوله و راحت الكلاس..

**
ناصر يرمس سعاد..
ناصر: شفيـــــــج ساكته مب ع طبيعتج تـرا..
سعاد: حتى انت ليش مضايج...؟؟؟

ناصر: مضايج من حركات عليا جنى كابوس فـ حياتها..
سعاد: الله يعينك..
ناصر: متى بترجعين و اتفكيني من ها كله..
سعاد"متردده" سـامحنـي ناصر..

ناصر"مستغرب و حاس يايتنه مصيبه" شو حبيبي..!!

سعاد: مب عارفه كيف ابدى معاك..L
ناصر: ما احب اللف و الدورااااااان قولي ابسرعه.
سعاد"اونها اتصيح" اهلي اجبروني ع ولد خـالتي..

ناصر"مصدوووووم" نععععععععععععم..
سعاد:- صدقني حاولت بس ما قدرت اقاوم اكثر..

ناصر: انتي لي سعاد..
سعاد: اهلي اقوى عني.. و بعدين مستحيل يرضون يزوجوني واحد متزوج من قبل..

ناصر: جان تبين بطلق عليااااااا من باجر بس حرام عليج لا تبعدين عني..

سعاد: اسفه ناصر ماشي نصيب خـلاص ما برد الامارات الا بعد ما نملج انا ولد خالتي..

ناصر" محرج" انتــــــــي شو اتقوليــــــن مستحيل ما اقدر اخسرج..

سعاد: الله يخلي لك عليا باي..
ناصر: وين وعودج..

سعاد:- انا فكرت زيــــــن و جفت انا ما اناسب بعض..اسفه ناصر "وصكرت التلفون..
ناصر:- الو الو الوووووو
رجع اتصل ابســـــعاد حرق التلفون بس ما اترد عليه..وصله مسج" لا ادق مره ثانيه انا وحده مخطوبه"..
حرج ناصر و فر التلفون باليـدار و طاح ع الارض..

ناصر"يصارخ" خاينـه خايـــــــــنه..

يلس يفكر كيف كانت علاقته حلوه مع سعاد..وعدته انها ما بتتركه و بترجع ابسرع وقت.. بس هي سافرت عشان خطوبتها.. الحقيره..الخاينه..

مر ع باله احينه خسر سعاد..و تمت عليا بس عليا ما اطيقه ..شو يسوي احينه و كيف يتصرف..

حس ان الدنـياا ضايجه به..طلع برع البيت و ركب سيارته..
حس انه مخنوق و مب عارف كيف يتصرف.. خسر كل شي بلحظات..

اخيرا قرر..احينه دام ان سعاد ما صارت له..بحاول يرجع عليا ع الاقل عليا اتحبه و اداري عليه مب شرات سعاد الخاينه..
حس ابراحه بها القرار.. و بنفس الوقت نار في قلبه من موقف سعاد..

و ارتباطها بانسان ثاني..فكر انه يرجع لحـضن عليااا لانها احسن عن سعاد بالف مره..
و في خاطره "صج محد يسواج..علايه.."..

**