Grandfather +-سوالف شــوابنا-Grandfather

السلام عليكم ورحمة الله وبركاته ........
اليــوم يبت لكمـ معتقدات حدث و لا حرج
شي منهــا ليومنــا هـــذا ..~
بوبشير .. وهو حشرة ضعيفة وطويله و عندها اينحه طوال .. كانوا يعتقدون إذا شافوه يبشر عن ضيف ياي أو عمل ناجح او المطر بيينزل .
ام النقيع .. هي حشرة من الخنافس .. كانوا يمسكونها بإيدهم ويتمنون أمنية إذا نقعت بتتحقق الأمنية وإذا لا ما بتحقق. ---
الطيطار .. إذا ظربناه وانقطع ذيله لازم ينحط على الذيل شيء لأنه يدعي على أهل البيت.
- (هاي حق اهل البحر بس) إذا بتاكل السمجة لازم تقطع راسها قبل ما تبتدي فيها.
- تعالو يا الشعراء هاي لكم .. يقولون اللي ياكل لسان الذبيحة يستوي شاعر. ---
- الماي .. مب زين ينشرب حزة المغرب.. لأنه يمرض.
- يوم بتي ترقد لا تحط الماي عند راسك لأنه يخف نظر العين
...حطوه تحت المخده... خخخخخ
- كانوا يقولون رقاد العصر يقصر العمر . ..
- النعال ( عزكم الله ) مب زين يتم مجلوب .. لأنه يدعي
على أهل البيت أو تستوي مشاكل وضرابه ووتكفيخ .ويقولون حرام اتم الجهة
السفلية من النعال مجابلة السما لانه ربك فوق .. ---
- كانوا يدخنون بالشبّه لأنه يطرد الحسد.
- كانوا يقولون إذا رفت العين اليمين خير، وإذا رفت العين اليسار شر.
- إذا كفك اليمين حجك يعني بتعطي حد فلوس، وأذا اليسار بتقبض فلوس
أظني كل حد بيتمنى ا يده اليسار تحجه .. ههههههههه ---
- إذا خشمك حجك يعني بتسلم على شخص ياي من بعيد.
- إذا اذنك انسدت يعني حد يطريك يا بالخير أو بالشر.
- أذا كان شخص طالع وزقريته أو قلتله لا تطلع مب زين، لأنه يمكن يستويله شي. << يدتي للحين عندها هــ المعتقد خخخخ .. ---
- الياهل ( الطفل ) لازم يحطون في منزه ( مهده ) سجين وملح وقرآن، عشان يحفظه الله بالقرآن، والسجين والملح عن الجن.
... طبعا اليوم يحطون حق الياهل النيدو والسيريلاك ... هههههههههههه ..
\\
ربي يرحمـ عقـــول شيابنـــا ..//*

- إذا خشمك حجك يعني بتسلم على شخص ياي من بعيد.
- إذا اذنك انسدت يعني حد يطريك يا بالخير أو بالشر.

هههههههههههههههههه مواضيع حلوه

تسلمي عاشقه على الطرح الجميل

دمت لنا ويعطيج العافية

لج تحياتي

الله يسلمك يالمدير

وتسلم عالمرور الطيب منك ^^

ههههههههههههههههههههههههههههه

تسلمين عشوووقة ع الطرح الطيب

ويعطيج الف الف عاافية

والله يطول بعمر شوابنا يا رب

وبانتظاار الزوود المميز من جداااج